Miggeli

1994 – 19.05.2020

 

Miggi, mi Schätzeli,

 

Du bisch vor 7 Johr zu mir choh, well für dis ‘Mami’ damals leider d Zytt choh
isch, in Himmel z goh. Du bisch ihr ein und alles gsi und i ha versproche, immer
guet für di z luege. So, wie Du ihre so vill Liebi gäh hesch, hesch Du mir und
allne Mensche um Di umme witterhin so vill Liebi gschänkt. I ha Dir immer
gsäit, dass Du e Gschänk Gottes bisch und sone liebi Seel bisch. Du bisch in
all dene Johr als eini vo mine beschte Fründinne immer a minnere Sitte gsi,
hesch oft näb mir welle schlofe, mi ghebt und efach i minnere Nöchi welle
sii. Du hesch mir so vill gäh, mi Schatz, und für das bini Dir so dankbar. «Es
isch alles guet, i bi immer für Di doh» hani Dir immer gsäit und so ischs au
jetzt und für immer. Du hesch kä weh meh und chasch wieder, wie in alte
Zytte, spiile, umme springe, in der Sunne ligge und Du bisch wieder mit dim
alte Mami vereint, wo unheimlich Freud het, dass Du jetz wieder bi ihre bisch.

Und Du wirdsch jetz vo ihre ganz fescht knuddlet und gliebt. Im stolze Alter
vo 26 Johr hesch Du jetzt dörfe friedlich ihschlofe, amene Zischtig am Morge
am halbi 10i, bi strahlendem Sunneschiin. I weiss, mir gsehnd eus wieder, Du
wirdsch mi willkomme heisse und uf mi warte uf dr ‘andere Sitte’, wenn denn
mol d Zytt für mi choh isch. Mi Härz brüehlt halt jetz no, welli Di so sehr
vermiss. Aber dä Gedanke, dass Du bi früehnere Mami jetz ufem Schoss lisch
und gstriichlet wirdsch, tröschtet mi ganz fescht. I ha Di jedi Sekunde vo
unserem gmeinsame Läbe gliebt und Du mi. Danke, mi Muggerli, für Dini
unendlichi Liebi und Danke, dass Du i mis Läbe choh bisch. E ganz e dicke
Schmutz in Himmel ufe zu Dir!

Sabrina

Prävention bzg. der Coronavirus-Erkrankung COVID-19

Liebe Tierhalter,

wir setzen die vom BAG empfohlenen Massnahmen gerne wie folgt um und danken für Ihr Verständnis.

Weiterlesen ...

 

Herzlichen Dank

Fam. Buess aus Muttenz schrieb:

Lieber Herr Casartelli
Wir möchten uns nochmals ganz herzlich bei Ihnen für Ihre Bemühungen und die Zeit, welche Sie sich für uns genommen haben, bedanken. Ein Verlust eines geliebten Haustieres ist immer etwas schlimmes und trauriges. Sie haben uns ganz toll betreut, so dass wir uns nochmals verabschieden konnten, das hat uns viel bedeutet.

Viele Grüsse
Familie Buess

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.